Uppi á L augabólsfjalli er þetta myndarlega mastur Neyðarlínunnar ásamt tilheyrandi fjarskiptahúsi. Ljósm.M Eggert Stefánsson.

Mjólkárvirkjun.

« 1 af 2 »

Fréttir úr Auðkúluhreppi 2:

Nú er búið að leggja rafstreng með plóg frá spennistöð á Meðalnesi á Mjólkárhlíð alla leið út í Mosdal. Gekk það furðu vel að sögn, þó Urðarhlíðin væri nokkuð erfið, eins og nafnið bendir raunar til. Það er Neyðarlínan sem leggur rafstrenginn vegna fjarskiptamiðstöðvar á Laugabólsfjalli. Þá þarf hún ekki að hugsa um rafstreng yfir Arnarfjörð lengur. Heimtaugar voru lagðar heim að Ósi og Laugabóli.

   Mjólkárvirkjun var gangsett 1958. Þá sögðu ráðamenn að rafmagnið þaðan myndi duga Vestfirðingum um fyrirsjáanlega framtíð. Þetta héldu menn þá.  Annað hefur náttúrlega komið á daginn. Og nú er sem sagt að koma rafmagn í Mosdal eftir allan þennan tíma. Svona er lífið, Guðrún mín, eins og þar stendur. 

Hallgrímur Sveinsson.