A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
Drög að fyrirhugaðri frístundabyggð. Mynd: - PK Arkitektar.
Drög að fyrirhugaðri frístundabyggð. Mynd: - PK Arkitektar.
Dýrfirðingurinn Pálmar Kristmundsson arkitekt hefur sótt um til Ísafjarðarbæjar að fá úthlutað landi á svæði F25 í Dýrafirði, sem liggur um tvo kílómetra utan við Þingeyri, undir hlíðum Sandafells. Hugmynd Pálmars er að skipuleggja og bjóða þar út frístundahúsabyggð. Umsóknin var gerð fyrir hönd óstofnaðs einkahlutafélags sem stofnað verður, gangi leyfisveiting, fjármögnun og önnur áform eftir. Óskað var eftir að fá svæðið leigt án endurgjalds til 10 ára með framlengingarákvæði til 10 ára þar eftir. Í þeirri rekstraráætlun sem gerð hefur verið er gengið út frá að byggð verði 5 frístundahús. Markmiðið er að vera með skipulagt land tilbúið til byggingar fyrstu húsa vorið 2016. Skipulags- og mannvirkjanefnd Ísafjarðarbæjar tók á síðasta fundi sínum jákvætt í að úthluta Pálmari landinu. 

Segir Pálmar að hið óstofnaða félag muni standa straum af gerð deiliskipulags fyrir svæðið og leggja það til samþykktar bæjaryfirvalda eins og reglur gera ráð fyrir. Óstofnað félag muni kosta og hafa umsjón með vegagerð að og um svæðið, setja upp og viðhalda nauðsynlegum girðingum og hliðum, leggja rafstreng að svæðinu, annast vatnslagnir og frárennsliskerfi á eigin kostnað. Á móti verði óstofnuðu félagi heimilt að úthluta byggingareitum samkvæmt samþykktu deiliskipulagi og þiggja fyrir það hæfilega þóknun. 

Í greinargerð sem Pálmar sendi með umsókn sinni segir að fyrir 3 árum hafi hann sótt um heimild til byggingu fjögurra frístundahúsa á svipuðum slóðum í svokölluðum Sneiðingum. Jákvætt hafi verið tekið í erindið en gera hafi þurft breytingar á aðalskipulagi til að heimila slíka byggð á umræddum stað. Segir hann enga breytingu hafa verið gerða á aðalskipulagi og ekkert hafa gerst í málinu sem hafði í för með sér að fjárfestar, sem höfðu gengið til liðs við verkefnið, hafi fallið frá þátttöku. En af þeim þremur sem ætluðu að fjárfesta í verkefninu á sínum tíma er eftir er einn aðili sem tekur áframhaldandi þátt. 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31