Margir þurftu á þjónustu að halda. Hér eru þeir Kristján frá Hofi, Dúddi og Ragnar á Stöðinni fremstu menn.

Það var bæði setinn bekkurinn og staðið.

Húsfreyjur og gamlir bændur og búalið biðu eftir þjónustu.

Gamla merkið frá gjaldkerakallinum er enn á sínum stað.

Nonni Reynir er alltaf kátur. Í baksýn kemur frú Ásta í Hólum stormandi í bankann með poka.

« 1 af 5 »

Banki allra landsmanna hefur nú af miskunnsemi sinni opnað bankaafgreiðslu á Þingeyri sem er opin einu sinni í viku, eina klst. í senn.

   Í gær var fyrsti opnunardagurinn frá kl. 15-16. Mikil aðsókn var af viðskiptavinum sem þurftu á bankaþjónustu að halda. Segja má að um örtröð hafi verið að ræða og voru dæmi þess að fólk sneri frá. Allt fór þetta þó vel úr hendi hjá afgreiðsludömunni. Eftir klukkutíma biðu margir eftir kalli gjaldkera. En ekki er annað vitað en allir hafi fengið umbeðna bankaþjónustu.

   Í gær fengu Dýrfirðingar heilmikið bréf frá starfsfólki Íslandsbanka á Ísafirði, þar sem bankinn lofar þeim gulli og grænum skógum bara ef þeir komi í viðskipti til hans. Kannski er bara bankastríð í uppsiglingu!

Ljósm. tók H. S.