A A A
Ölvašur bķlstjóri keyrši um tjaldsvęšiš į Žingeyri.
Ölvašur bķlstjóri keyrši um tjaldsvęšiš į Žingeyri.
Aðfararnótt laugardags var húsbíl ekið um tjaldstæðið á Þingeyri, og er ökumaður grunaður um ölvun við akstur. Ökumaðurinn ók meðal annars yfir hluta tjalds, þar sem erlendur ferðamaður þurfti að gerast viðbragðsfljótur og velta sér undan er hann sá bílljósin nálgast tjaldið. Ökumaður bílsins var handtekinn. Annar ökumaður, sem einnig var grunaður um ölvun við akstur, var síðan stöðvaður á Barðaströnd á laugardaginn. Eins og gefur að skilja voru málefni umferðarinnar hugleikin lögreglunni á Vestfjörðum á helginni, enda gríðarmikið keyrt um vegi fjórðungsins þessa mestu ferðahelgi ársins, og voru 40 ökumenn stöðvaðir fyrir of hraðan akstur. Sá sem hraðast ók var stöðvaður á Gemlufallsheiði á 140 km hraða, þar sem hámarkshraði er 90 km/klst.

Engar skipulagðar útihátíðir voru á Vestfjörðum á helginni, en Mýrarboltamótið var líklega fjölmennasti viðburður helgarinnar. Ekki er annað vitað en að mótið hafi farið vel fram, „að minnsta kosti utan vallar", líkt og segir í tilkynningu frá lögreglu, en eins og kunnugt er fer mýrarboltinn fram með þó nokkrum látum.

 

Sjö umferðaróhöpp voru tilkynnt í vikunni. Á þriðjudaginn valt bifreið með eftirvagn á veginum upp Tungudal á Ísafirði. Ökumaður var fluttur á sjúkrahúsið á Ísafirði til aðhlynningar en var ekki talinn alvarlega slasaður. Bifreiðin skemmdist mikið og varð að flytja hana ásamt eftirvagninum af vettvangi á vörubifreið. Önnur óhöpp voru minniháttar og slysalaus.

 

Einn maður gisti fangageymslur á Ísafirði aðfaranótt sunnudagsins vegna ölvunar og tveir aðfaranótt mánudags af svipuðu tilefni.

« Október »
S M Ž M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31