Ólafur Helgi hefur gefið 191 blóðgjöf
180 blóðgjafir á Íslandi!
Ólafur Helgi Kjartansson, lögreglustjóri á Suðurnesjum og f.v. sýslumaður á Selfossi og Ísafirði, gaf blóðgjöf í hundrað áttugasta skiptið í dag mánudaginn 20. apríl 2015 í Blóðbankanum í Reykjavík. Enginn hefur gefið eins oft blóð á Íslandi eins og hann.
Ólafur Helgi var til margra ára formaður Blóðgjafafélagsins og vann þar þarft og gott starf.
Til hamingju með árangurinn Ólafur og takk fyrir allar gjafirnar.
Ólafur Helgi hefur ekki bara gefið blóð hér í Blóðbankanum, hann hefur einnig gefið á fleiri stöðum þannig að gjafirnar eru orðnar 191 hjá honum.
Einu sinni á gamla og einu sinni á nýja sjúkrahúsinu á Ísafirð vegna bráðatilfella.
Þrisvar sinnum í USA (2 x í New York og 1 x í Norfolk í Blóðbankabíl)
Fimm sinnum í London og einu sinni í Warnambool í Viktoríu í Ástralíu.
Blóðbankinn greinir frá á Facebook.
