Nýtt skólaár hafið við Menntaskálann á Ísafirði
Nú er nýtt skólaár hafið en skólasetning fór fram á föstudaginn 18. ágúst sl.
Kennsla hefst í dag, mánudaginn 21. ágúst.
Það var Hildur Halldórsdóttir skólameistari sem setti Menntaskólann á Ísafirðiskólann í 48. sinn. Auk hennar flutti Heiðrún Tryggvadóttir aðstoðarskólameistari nokkur orð og hljómsveitin Between Mountains, sem skipuð er nýnemunum Ásrós Helgu Guðmundsdóttur og Kötlu Vigdísi Vernharðsdóttur, flutti eitt lag.
Á þessu skólaári hefja 48 nýnemar nám við skólann en alls eru nemendur þessa haustönn 254. Fjarnámsnemar eru orðnir 114 og enn er verið að afgreiða umsóknir um fjarnám, en skólinn er eins og undanfarin ár í samstarfi við 12 aðra framhaldsskóla á landsbyggðinni undir merkjum Fjarmenntaskólans.
Jón Reynir Sigurvinsson, skólameistari, verður í námsleyfi þetta skólaár og mun Hildur Halldórsdóttir leysa hann af.
Heiðrún Tryggvadóttir leysir af sem aðstoðarskólameistari, Andrea Harðardóttir leysir af sem áfangastjóri auk þess að sinna kennslu og Anna Jóna Kristjánsdóttir leysir af sem gæðastjóri auk þess að sinna kennslu.
Nýir kennarar sem hefja störf við skólann eru:
Júlía Björnsdóttir sem mun kenna dönsku og ensku auk þess að sjá um bókasafn skólans og Einar Þór Gunnlaugsson sem kennir kvikmyndagerð.
Elvar Logi Hannesson mun kenna leiklist, Magnús Jónsson skipstjórnargreinar og Marta Sif Ólafsdóttir hönnun en öll verða þau í stundakennslu.
Nýr umsjónarmaður mötuneytis er Halldór Karl Valsson og honum til aðstoðar verður Arna Grétarsdóttir.
