Öll leikskólabörn í Ísafjarðarbæ eiga verk á myndlistarsýningu sem opnuð var í Stjórnsýsluhúsinu á Ísafirði í gær. Straumur fólks var á sýninguna og vakti listsköpun barnanna mikla athygli. Sýnining stendur fram á þriðjudag. Leikskólarnir sex í Ísafjarðarbæ; Sólborg, Eyrarskjól, Bakkaskjól, Grænigarður, Tjarnarbær og Laufás halda sameiginlega listsýningu annað hvert ár til móts við íþróttahátíð.