Monika Kristjánsdóttir er einn af eftirlitsmönnum á tjaldsvæðinu. Hér er hún í fullum skrúða ásamt Valgerði Guðmundsdóttur, sem er Dýrfirðingur af aðalsættum eins og allir vita. Hún er með fullar hendur fjár og þykist vera að borga Moniku. Bara leikræn tilþrif! Ljósm.: H. S.

Hér er einn gesturinn að þakka fyrir sig. Greinilega ánægður. Ljósm.: H. S.

Það eru ýmsar tegundir af farartækjum sem koma á tjaldsvæðið. Ljósm.: H. S.

« 1 af 3 »

Fjölsóttir staðir fyrir vestan 1.

Þorbjörg Gunnarsdóttir, forstöðumaður Íþróttamiðstöðvarinnar á Þingeyri, fræðir okkur á því að mikil aðsókn hafi verið á tjaldsvæðið hjá þeim í sumar. Tjaldsvæðið er staðsett við Íþróttamiðstöðina og er því þjónað þaðan.  Þar er öll venjuleg aðstaða sem tíðkast á slíkum stöðum. Vatn, rafmagn, þvottavél og bara nefndu það. Umhverfis tjaldsvæðið er fallegur trjágróður sem veitir mjög gott skjól.

Gestir og gangandi sjá glögglega að þar er snyrtimennska í hávegum höfð. Það er auðvitað eitt af grundvallaratriðum í slíkri þjónustu.

Og ekki síður að fólk finni að það er velkomið. Þá kemur það aftur. Það er bara þannig. 

Hallgrímur Sveinsson.