A A A
  • 1940 - Hallgrímur Sveinsson
08.11.2016 - 22:57 | Morgunblađiđ,Vestfirska forlagiđ

Merkir Íslendingar - Ţórarinn Kristjánsson

Ţórarinn Kristjánsson (1816 - 1883)
Ţórarinn Kristjánsson (1816 - 1883)
Þórarinn Kristjánsson fæddist á Þönglabakka í Fjörðum, S-Þing. 8. nóvember 1816 . Foreldrar hans voru Kristján Þorsteinsson, f. 1780, d. 1859, síðast prestur á Völlum í Svarfaðardal, og fyrsta k.h. Þorbjörg Þórarinsdóttir, f. 1786, d. 1846, húsmóðir. Þórarinn og Jónas Hallgrímsson voru bræðrabörn.

Þórarinn varð stúdent frá Bessastöðum 1838 og var fjögur ár skrifari M. F. Lunds, sýslumanns í Mýrasýslu, að Vogi á Mýrum. Hann vígðist sem aðstoðarprestur föður síns 1842 á Bægisá í Hörgárdal en fluttist með honum að Tjörn í Svarfaðardal strax árið eftir og síðan að Völlum 1846.

Þórarinn hóf sjálfstæðan prestsskap árið eftir þegar hann fluttist að Stað í Hrútafirði. Þaðan fór hann að Prestbakka í Hrútafirði og var þar á árunum 1850-1867. Þá fór hann að Reykholti í Borgarfirði 1867-1872 en flutti að lokum vestur í Vatnsfjörð og sat þar til æviloka. Þórarinn var skipaður prófastur í Strandasýslu 1850-67, í Borgarfjarðarsýslu 1967-1871 og settur prófastur 7. júní 1881 til 1882 en gat ekki sinnt því vegna vanheilsu.

„Þórarinn var meðalmaður á hæð, grannvaxinn og léttilegur. Svipur hans bar vott um alvöru og skarpar gáfur, en minna bar þar á lítillæti og mildi. Ræðumaður þókti hann hinn prýðilegasti og skrifari af hreinustu list.“ Hann sat Þjóðfundinn 1851 sem þjóðkjörinn fulltrúi Strandasýslu.

Kona Þórarins var Ingibjörg Helgadóttir, f. 21.10. 1817 í Vogi á Mýrum, d. 6.6. 1896 í Rauðanesi á Mýrum.

Börn Þórarins og Ingibjargar sem komust upp voru Kristján Eldjárn prestur á Tjörn í Svarfaðardal, Helgi Jónas bóndi í Rauðanesi, Þorbjörg húsfreyja í Gullbringu í Svarfaðardal, Sesselja Guðrún húsfreyja á Ísafirði, Ingibjörg húsfreyja á Eyri í Mjóafirði, og Stefán gullsmiður á Akureyri.

Þórarinn dó 10. september 1883.

 

Morgunblaðið 8. nóvember 2016.

« Júní »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör