Hollenskt hjólandi par fyrir utan sjoppuna hjá henni Diddu í sumar. Auðvitað láðist okkur að spyrja um nöfn á þessu geðþekka fólki. Ljósm. H. S.

Hún var skondin fréttin í fjölmiðum í gær um erlenda ferðamanninn. Hann ætlaði að bregða sér niður á Laugaveg í Reykjavíkinni, en lenti þess í stað upp á Laugarvegi á Siglufirði. Lítum á þetta:

   „Við ættum að bjóða öllum ferðamönnum upp á hagnýta fræðslu um landið sem þeir eru að heimsækja. Frjáls námskeið upp á 2-3 klukkustundir mætti vel halda víða, til dæmis á Keflavíkurflugvelli. Nóg er þar af húsnæðinu. Þar færi fram fræðsla um sögu landsins og ýmsar hagnýtar leiðbeiningar um það lagðar á borð.  Hvað sé leyfilegt og hvað ekki. Gestir okkar yrðu ábyggilega fegnir að fá slíkar leiðbeiningar. Viðurkenndir leiðsögumenn ættu að vera leiðbeinendur ásamt ferðaskrifstofufólki með reynslu. Fólk sem veit hvað klukkan slær. Við getum alveg skipulagt  þetta eins og menn ef við viljum. Virkja þá sem kunna til verka.“

   Sjá nánar greinina Ný sýn í ferðamálum hér fyrir neðan.