Sunnudaginn 15.apríl var hið árlega Halldórs Högna mót í boccia haldið í íþróttahúsinu á Þingeyri. Íþróttafélagið Ívar á Ísafirði hefur um árabil staðið fyrir mótinu í góðri samvinnu við íþróttafélagið Höfrung, og var þátttaka góð í ár. Keppt var um farandbikar sem gefinn var af Halldóri Högna Georgssyni, og það voru Soffía Einarsdóttir, Gunnar Bjarnason og Rannveig Guðjónsdóttir frá Þingeyri sem báru sigur úr býtum. Að móti loknu bauð íþróttafélagið Ívar þátttakendum upp á kaffi og meðlæti. Arnþór Jónsson tók myndir á mótinu sem má sjá hér.