Kristinn H. Gunnarsson.

« 1 af 2 »

Ísfirðingurinn Ólafur Ragnar Grímsson, forseti Íslands, var alþingismaður, ráðherra og formaður Alþýðubandalagsins um hríð áður en hann var kjörinn forseti lýðveldisins árið 1996. Áður hafði Ólafur verið í Framsóknarflokknum og kom þaðan til liðs við Alþýðubandalagið. Miklar deilur höfðu verið í Framsókn og fór Ólafur Ragnar fyrir svonefndri Möðruvallahreyfingu innan flokksins. Hún gerði usla í flokknum og var til ófriðar. Ekki voru allir allaballar ánægðir með sendinguna frá Framsókn og jafnan stóð styr um Ólaf Ragnar í Alþýðubandalaginu.

Kristinn Halldór Gunnarsson, Kiddi sleggja, var kjörinn á þing fyrir Alþýðubandalagið á Vestfjörðum 1991 og aftur 1995. Hann hafði verið bæjarfulltrúi flokksins í Bolungarvík frá 1982. Ekki þótti Sleggjan rekast vel í flokki í Alþýðubandalaginu.

Kristinn sagði sig úr þingflokki Alþýðubandalagsins á haustdögum 1998 og gekk til liðs við Framsóknarflokkinn. Þá hringdi Svavar Gestsson, fyrrum formaður flokksins, ráðherra og alþingismaður, í Halldór Ásgrímsson, formann Framsóknarflokksins, og sagði: Dóri minn, ég óska

þér til hamingju með Kristin. Nú teljum við fullhefnt fyrir að þið senduð okkur Ólaf Ragnar á sínum tíma.

Úr bókinni -Vestfirskir stjórnmálamenn í blíðu og stríðu-

Vestfirska forlagið gaf út fyrir jólin 2014