A A A

Eins og margir vita þá er eftir að skrá, kortleggja og rannsaka meginhluta þeirra fornleifa sem til eru á Íslandi. Á Vestfjörðum er gríðarlega mikið af áhugaverðum fornleifum og sumar þeirra eru frá fyrstu tíð í landinu og líklega meira en þúsund ára gamlar. Margar af þessum fornminjum eru í góðu ástandi, aðrar hafa skemmst eða verið eyðilagðar og sumar eru að skemmast m.a. vegna ágangs sjávar eins og sjóbúðirnar á Ingjaldssandi og í Keravík í Súgandafirði. Ekkert fær staðist tímans tönn og það á við um fornleifar eins og annað. Ábyrgð okkar allra er að vernda og varðveita sögu og minjar liðinna kynslóða sem liggja í jörðu á okkar heimaslóðum.


Næsta sumar er áformað að hefja kortlagningu á fornleifum á Vestfjörðum og allir sem áhuga hafa eru velkomnir að taka þátt í verkefninu. Hugmyndin er að virkja alla áhugasama sjálfboðaliða sem vilja leggja þessu mikilvæga verkefni lið. Á vordögum verður haldið námskeið þar sem fulltrúar frá Minjastofnun munu mæta og kenna vinnulagið við skráninguna þ.m.t. ljósmynda, gps mæla, teikna upp o.fl. En mikilvægt er að hafa í huga að allar fornleifar eru í eðli sínu viðkvæmar og því nauðsynlegt að vanda til verka.

Til undirbúnings námskeiðinu verður haldinn kynningarfundur í Holti í Önundarfirði sunnudaginn 23. mars kl. 13:00 -15:00 fyrir alla áhugasama. Þar mun Þór Hjaltalín sviðsstjóri Minjavarðasviðs og Minjavörður fyrir Norðurland vestra og Vestfirði halda kynningu á hinum fræðilega hluta verkefnisins. Í kjölfarið verður umræða um skipulagninguna og næstu skref.

Allir eru velkomnir á meðan húsrúm leyfir.

« Nˇvember »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30