A A A
  • 1978 - Eyrún Harpa Hlynsdóttir
  • 1991 - Steiney Ninna Halldórsdóttir
  • 2001 - Lísbet Óla Steinsdóttir
  • 2009 - Ţrymur Rafn Andersen
07.07.2017 - 06:22 | Vestfirska forlagiđ,Björn Ingi Bjarnason,bb.is

KOSTNAĐUR TVEGGJA STOFNANA UM 12 MILLJÓNIR

Strandlína Teigsskógs.
Strandlína Teigsskógs.

Kostnaður Umhverfisstofnunar og Skipulagsstofnunar við vinnu sem tengist fyrirhugaðri vegagerð í Teigsskógi nemur gróflega um 12 milljónir  kr. Þetta kemur fram í skriflegu svari Bjartar Ólafsdóttur umhverfisráðherra við fyrirspurn Elsu Láru Arnardóttur, þingmanns Framsóknaflokks í Norðvesturkjördæmi.

Í svari umhverfisráðherra kemur fram að frá árinu 2004 hefur Umhverfisstofnun ráðstafað um sex vikna vinnu í umsagnir vegna þessa máls á ýmsum stigum þess. Umhverfisstofnun áætlar að kostnaður við þessa vinnu sé um 1,4 millj. kr. á verðlagi ársins 2017.

Á árabilinu 2003–2017 hafa áform Vegagerðarinnar um lagningu Vestfjarðavegar um Gufudalssveit komið nokkrum sinnum til umfjöllunar Skipulagsstofnunar.  Í svarinu segir að tiltekin vinna Skipulagsstofnunar er greidd af framkvæmdaraðila. Það á við um afgreiðslu stofnunarinnar á matsáætlun, kynningu hennar á frummatsskýrslu og vinnu að áliti um mat á umhverfisáhrifum. Önnur vinna stofnunarinnar varðandi matsskyldar framkvæmdir, svo sem erindi sem lúta að endurupptöku mála, eru ekki greidd af framkvæmdaraðila.

Samkvæmt málaskrá Skipulagsstofnunar hafa helstu verkefni stofnunarinnar um Vestfjarðaveg um Gufudalssveit varðað:
–      Matsáætlun 2003–2004.
–      Kynningu matsskýrslu og úrskurður 2005–2007.
–      Aðkomu að vinnu samgönguráðherra við að leita lausna 2011.
–      Matsáætlun 2012–2014.
–      Samráð við Vegagerðina og ráðuneyti um málsmeðferð 2014.
–      Erindi Vegagerðarinnar og ákvörðun um endurupptöku 2015.
–      Matsáætlun 2015.
–      Kynningu frummatsskýrslu og álit um mat á umhverfisáhrifum 2016–2017.

Einungis hluti ofangreindra mála er greiddur af Vegagerðinni og því liggja ekki fyrir tæmandi upplýsingar um kostnað Skipulagsstofnunar vegna alls framangreinds. Gróft má þó áætla að beinn kostnaður stofnunarinnar nemi um 10 millj. kr.


« Október »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör