Karlakórinn Ernir verður með tónleika í Félagsheimilinu á Þingeyri, laugardaginn 10.desember kl.16:00. Efnisskráin er fjölbreytt að vanda, fjörug og skemmtileg, meðal annars með undirleik hljómsveitar. Að venju er aðgangur ókeypis á jólatónleikana og eru það þakkir kórfélaga til Vestfirðinga fyrir ræktarsemi og veittan stuðning á árinu sem er að líða.

Þeim, sem komast ekki á tónleikana á laugardaginn, er bent á að Karlakórinn Ernir verður einnig með tónleika í Ísafjarðarkirkju, sunnudaginn 11. desember kl. 16:00.