Póstmeistarinn á Þingeyri, Guðmundur Ingvarsson, sagði eitt sinn við undirritaðan: „Það er hlutverk mitt að greiða fyrir því að pósturinn komist eins fljótt og hægt er í hendur viðtakenda.“
Að undanförnu hefur Íslandspóstur ítrekað klikkað á þessu boðorði gamla póstmeistarans. Þar hefur Kári Loftsson oft spilað inn í en einnig einkennilegt fyrirkomulag póstdreifingar. Verður ekki farið nánar út í það hér. Þó verður að nefna eitt atriði: Ef póstbíllinn kemst ekki til Ísafjarðar með póst að norðan og úr Reykjavík, fellur niður póstferð til Þingeyrar og víðar þann daginn. Þetta er magnað. En hér er ekki við starfsfólk Íslandspósts að sakast heldur okkar víðfrægu stjórnsýslu. Sem er stundum nánast vonlaus.   

                                     
Hallgrímur Sveinsson.