14.05.2015 - 06:48 | BIB,skutull.is
Ísafjarðarbær: - Vilja auka hlut strandveiða upp í 20 þúsund tonn
Bæjarfulltrúar Í-listans vilja auka hlut strandveiða.
Í ályktuninni segir að það sé ólíkt gleðilegra að sjá afla af Vestfjarðamiðum koma á land á Vestfjörðum, en að sjá honum siglt beina leið af miðunum án þess að eiga hér nokkra viðkomu. Strandveiðikerfið er einföld og sanngjörn byggðaaðgerð þar sem smærri sjávarbyggðir njóta nálægðar við fiskimiðinu, ólíkt því sem leiðir af núverandi kerfi samþjöppunar. „Arðurinn af veiðunum smábáta rennur þannig í mun meiri mæli til þeirra samfélaga sem ættu að njóta nálægðar sinnar við fiskimiðin og til þeirra einstaklinga sem raunverulega skapa verðmætin.“
Bæjarfulltrúar Sjálfstæðisflokks létu bóka andstöðu sína við aukningu á hlutdeild strandveiða. Þeir álíti það til lítils að taka aflaheimildir úr einum útgerðarflokki og setja í annan. „Slíkt er aðför að fyrirtækjum sem haldið hafa uppi atvinnu í bæjarfélaginu um árabil en ekki síður að starfsfólki þeirra,“ segir í bókun sjálfstæðismanna.
