A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
07.05.2015 - 06:24 | Hallgrímur Sveinsson

Hver ræktaði fyrstur manna kartöflur í Dýrafirði?

Knútur Bjarnason, bóndi á Kirkjubóli, við gegningar í fjárhúsi sínu. Þá kominn yfir nírætt. Ljósm.: H. S.
Knútur Bjarnason, bóndi á Kirkjubóli, við gegningar í fjárhúsi sínu. Þá kominn yfir nírætt. Ljósm.: H. S.
« 1 af 2 »

Þessa dagana eru útsæðiskartöflurnar í óða önn að spíra hjá áhugamönnum um kartöflurækt.

Og fer nú vel á að geta þess, að öðlingurinn Knútur Bjarnason á Kirkjubóli sagði undirrituðum hver hann teldi að fyrstur manna hefði ræktað kartöflur í Dýrafirði. Hann sagðist hafa heyrt að sá merki maður, Guðmundur læknir norðlenski, forfaðir þeirra smiðjumanna á Þingeyri, hefði þar staðið að verki. Hefur það líklega verið um eða uppúr 1855.

   Guðmundur læknir Guðmundsson hinn norðlenski var einn merkasti maður í sögu Dýrafjarðar. Fór meðal annars til Hollands (Niðurlanda) þar sem hann dvaldi vetralangt í „vísindalegu augnamiði.“ Skal hann ekki þá hafa tekið með sér útsæði heim?

Sighvatur Grímsson Borgfirðingur segir meðal annars svo um Guðmund er hann kvaddi hann:

   „Hann varð fyrir sömu örlögum og sumir Íslendingar hafa orðið fyrir, og það enda þjóðkunnir ágætismenn, að starfslaunin hafa verið fyrirlitning, í stað virðingar, og skortur og ill aðbúð í ellinni.“ 

 

Hallgrímur Sveinsson.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31