Jón Sigurðsson.

Verkföllin:

Mikið vatn er til sjávar runnið síðan Jón Sigurðsson var að reyna að koma Íslendingum til manns. Þessi óþreytandi áróðursmaður, sem jafnframt var gætinn og hagsýnn, var ötull talsmaður frjálsra samskipta og viðræðna.

   Hvað hefði Jón Sigurðsson gert ef hann væri forsætisráðherra lýðveldisins í dag? Vel má ímynda sér að hann hefði kallað hina bestu menn til verka að sætta þá deiluaðila sem nú berast á banaspjót. Með öðrum orðum: Reyna að koma vitinu fyrir þá með skynsamlegum og opnum viðræðum. Maður á mann. Benda á færar leiðir til lausnar. Án þvingunar, dóms eða laga. 

Nákvæmlega eins og þegar hann notaði hin söguleggu rök við Dani. Þetta hefði ríkisstjórnin getað gert hefði hún þekkt sinn vitjunartíma. Sáttanefnd með valdheimildir við hlið ríkissáttasemjara var hins vegar vonlaus, enda strax slegin út af borðinu. 

Hallgrímur Sveinsson.