A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
10.03.2015 - 21:09 | Hallgrímur Sveinsson,Björn Ingi Bjarnason

Hrós vikunnar

Standandi frá vinstri: Erla Ástvaldsdóttir, forstöðukona, Ausra frá Litháen, Ingibjörg Vignisdóttir, Sigríður Þórdís Ástvaldsdóttir, María Valsdóttir, Iwona Motycka, Ásta Kristinsdóttir og Sigríður Þórarinsdóttir. Sitjandi eru Auður Ólafsdóttir kennari og Smári Haraldsson forstöðumaður Fræðslumiðstöðvar Vestfjarða.
Standandi frá vinstri: Erla Ástvaldsdóttir, forstöðukona, Ausra frá Litháen, Ingibjörg Vignisdóttir, Sigríður Þórdís Ástvaldsdóttir, María Valsdóttir, Iwona Motycka, Ásta Kristinsdóttir og Sigríður Þórarinsdóttir. Sitjandi eru Auður Ólafsdóttir kennari og Smári Haraldsson forstöðumaður Fræðslumiðstöðvar Vestfjarða.

Hrós vikunnar fær starfsfólkið á Dvalar- og hjúkrunarheimilinu Tjörn á Þingeyri sem sumir kalla Hótel Tjörn. Þó fyrr hefði verið segja sumir. Heldri borgarar sem þar dvelja eru númer eitt, tvö og þrjú hjá þeim. Elskulegt viðmót, væntumþykja og hlýja í garð heimilismanna eru grundvallaratriði í þeirra starfi.

Á heimilinu er snyrtistofa, bókasafn, kapella og aðstaða til bókbindinga auk annarra möguleika á ýmiskonar tómstundum og dægradvöl. Félagsstarf aldraðra er tvisvar í viku og er vel sótt. Auk þess kemur hárgreiðslukona einu sinni í mánuði og fótsnyrting er tvisvar á ári. 

Haldið var námskeið á vegum Fræðslumiðstöðvar Vestfjarða fyrir starfskonur á Tjörn.  Þær hófu námið í október 2014 og luku því 21. janúar sl. Þær hafa lagt sig mikið fram og stundað það af kappi, segir á heimasíðu Fræðslumiðstöðvarinnar.
Fjallað var um gæði og öryggi í meðferð matvæla og öðru lagi um líkamsbeitingu, smitgát, öryggismál, þjónustu, sótthreinsun, ræstingu og skyndihjálp.


Á meðfylgjandi mynd frá námseiðslokum eru; standandi frá vinstri: Erla Ástvaldsdóttir, forstöðukona, Ausra frá Litháen, Ingibjörg Vignisdóttir, Sigríður Þórdís Ástvaldsdóttir, María Valsdóttir, Iwona Motycka, Ásta Kristinsdóttir og Sigríður Þórarinsdóttir.  

 Fyrir framan þær sitja  Auður Ólafsdóttir kennari og Smári Haraldsson forstöðumaður Fræðslumiðstöðvar Vestfjarða.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31