A A A
  • 1935 - Vagna Sólveig Vagnsdóttir
15.07.2013 - 17:24 | JÓH

Hlaupahįtķšin fer fram um nęstu helgi

Frį skemmtiskokkinu į Žingeyri. Mynd: Gunnar Ž.
Frį skemmtiskokkinu į Žingeyri. Mynd: Gunnar Ž.

Næstkomandi helgi, eða dagana 19.-21.júlí, fer hin árlega Hlaupahátíð á Vestfjörðum fram. Hátíðarhöld verða með svipuðu sniði og fyrri ár en hlaupahátíðin er nú haldin í fimmta sinn. Föstudaginn 19.júlí verður keppt í sjósundi við Neðstakaupstað á Ísafirði og um kvöldið verður keppt í Óshlíðarhlaupinu. Á laugardeginum fer fram fjallahjólreiðakeppni í Dýrafirði þar sem hjóluð er 55 km leið um skagann milli Arnarfjarðar og Dýrafjarðar, og skemmtiskokk á Þingeyri þar sem hægt er að velja um tvær vegalengdir. Þá verður einnig boðið upp á útijóga við íþróttamiðstöðina á Þingeyri að keppni lokinni. Hátíðinni lýkur á sunnudag með Vesturgötuhlaupi þar sem keppt er í þremur vegalengdum.

Að sögn Sigmunds Þórðarsonar, formanns íþróttafélagsins Höfrungs og eins aðstandanda hlaupahátíðarinnar, er búist við met þátttöku í hjólreiðakeppninni í ár. Hann auglýsir eftir sjálfboðaliðum til að aðstoða við hátíðina, og þá sérstaklega á laugardag og sunnudag þar sem hátíðin fer fram í Dýrafirði. Áhugasamir geta haft samband við Sigmund í síma 863-4235. Hann hvetur jafnframt Dýrfirðinga og nærsveitarmenn til að taka þátt í hátíðinni, skemmtiskokkið hentar til dæmis allri fjölskyldunni. Frekari upplýsingar um hátíðina og einstaka viðburði er að finna á Facebook síðu hátíðarinnar (Hlaupahátíð á Vestfjörðum) og á heimasíðunni www.hlaupahatid.is.

« September »
S M Ž M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30