Okkar maður í fullum skrúða á bláa hjólinu sínu. Stóri pokinn er undir flöskur og dósir sem hann safnar af mikilli þrautseygju. Þá verður hjólið náttúrlega að vera í lagi. Ljósm.: H. S.

Hér hefur Magnús tekið ofan hjálminn og brosir blítt. Í baksýn eru Ólafía, fósturmamma, Móra litla sem hún tók í fóstur og varð þar með þrílembd og Svört sem hún Gunnhildur bæjarfulltrúi bjargaði í haust. Ljósm.: H. S.

« 1 af 2 »

Magnús Helgi Guðmundsson, bocchiakappi og þjálfari á Þingeyri, hefur verið í hálfgerðum lamasessi það sem af er sumri.

Annað dekkið á mótorhjólinu hans var ónýtt og fleira var að. Er hann búinn að bíða eftir þessum varahlutum í marga mánuði.

   En nú er allt komið í lag. Kom okkar maður hjólandi í dag frá Ísafirði eftir viðgerðina þar hjá honum Guðmundi. Eru meðfylgjandi myndir teknar af Magnúsi þegar hann kom upp á Brekku að melda sig inn. Er hann að sjálfsögðu í sínum flotta búningi og rosabullum sem fylgja honum. Magnús er eldklár á öllum umferðarreglum og fer eftir þeim. Og hann passar sig á að keyra ekki of hart.

Hallgrímur Sveinsson.