Þetta hlýtur að vera einhvers konar fjallabíll. Slíkt skraut og útbúnað hafa elstu menn í Dýrafirði aldrei séð á nokkru farartæki! Ljósm.: H. S.

Þetta er ábyggilega skrautlegasta farartæki sem sést hefur í Dýrafirði frá upphafi bílaaldar.

Bíllinn var staðsettur í röðinni fyrir utan Sigmundarbúð hjá honum Wouter og frú hans henni Janne í dag. Það var auðvitað ekki hægt annað en skella af honum mynd.

Hvaðan hann var að koma eða hvert að fara vitum við ekki.
Á vinstra skítbretti að framan stendur poppy – Scotland.

Hallgrímur Sveinsson.