Gunnlaugur ofurhlaupari áritar bækur fyrir Eddu Heiðrúnu á Grensásdeildinni 2009. Ljósm.; Pálmi Sveinsson.

Gunn­laug­ur Júlí­us­son, ofurhlaupari, hef­ur verið ráðinn sveit­ar­stjóri í Borg­ar­byggð, en byggðaráð Borg­ar­byggðar samþykkti það á fundi sín­um í morg­un.Gunn­laug­ur hef­ur frá ár­inu 1999 starfað hjá Sam­bandi ís­lenskra sveit­ar­fé­laga sem sviðsstjóri Hag- og upp­lýs­inga­sviðs. Þar áður starfaði Gunn­laug­ur sem sveit­ar­stjóri á Raufar­höfn.

   Í bók sinni, Að sigra sjálfan sig, sem Vestfirska forlagið gaf út árið 2009, segir hann frá því að hann hafi byrjað sinn hlaupaferil 42 ára gamall, vel yfir 90 kíló að þyngd, reykti eins og strompur og skvetti í sig brennivíni öðru hvoru. Fyrir tilviljun byrjaði hann að æfa hlaup og er nú í hópi þekktustu langhlaupara í heimi hér. Fyrir þann tíma datt honum síst í hug að hann ætti eftir að leggja fyrir sig  íþróttir að ekki sé nú talað um langhlaup og verða afreksmaður á heimsmælikvarða. Gunnlaugur segir að baráttan að því marki hafi ekki alltaf verið auðveld. Bætir svo við að fáir sigrar séu sætari en þeir sem maður vinnur yfir sjálfum sér.

   Ágóði af sölu bókar Gunnlaugs, 300 þúsund kr. rann til Grensásdeildarinnar í Rvk. en þá stóð Edda Heiðrún Backman, leikkona, fyrir söfnun til að reisa nýtt fordyri o. fl. við spítalann.