Á Dynjandisheiði. Ljósm.: Mats Wibe Lund.

Það þarf ekkert að taka út úr sér fölsku tönnurnar núna!

Ótrúlega mikil umferð hefur verið um Vesturleið frá Þingeyri í Vatnsfjörð undanfarna daga. Og fer vaxandi ef eitthvað er. Ótal tegundir af farartækjum fara hér um fram og til baka. Má þar nefna drossíur, jeppa, vörubíla, húsbíla, mótorhjól og reiðhjól af öllum gerðum. Og svo eru náttúrlega puttalingarnir á ferðinni. En fáséðir enn sem komið er.

   Vegurinn kemur líka vel undan vetri og nú er búið að hefla og gera klárt upp á sumarið á mörgum stöðum. Hann er það góður núna að menn þurfa ekkert að taka út úr sér fölsku tennurnar eins og stundum ber við þegar það er hola, hola, hola! Má í því efni minnast ferðar Gunnsa Sig. út að Núpi forðum daga. 

Hallgrímur Sveinsson.