Fréttabréf úr Hafnarfirði
Mikil umferð skipa hefur verið um höfnina að undanförnu. Mest er þar um að ræða rússatogara sem sækja hingað ýmsa þjónustu, svo sem olíu, vistir og veiðarfæri, áður en þeir halda á karfamiðin á Reykjaneshryggnum. Síðan koma þeir og landa hér í flutningaskip. Mér telst til að sex eða sjö togarar hafi komið og farin eru tvö fulllestuð skip og það þriðja bíður eftir farmi á Ytri-höfninni.
Þá kom hér tíu þúsund tonna skip með steinefni til malbikunar og annað lítið minna með samskonar efni. Einnig var svipað skip að lesta hér brotaján sem búið var að kurla niður í smátt. Í gærmorgun, 22. maí 2016, kom oliuskip með bensín og oliur fyrir okkur og aðra túista. Þau koma af og til nokkuð reglulega.
Grásleppuveiðar er stundaðar af nokkrum bátum og hafa gengið all vel. Strandveiðar einnig og ná menn flestir yfirleitt skammtinum.
Í dag er heiðskírt veður og hitinn kominn í átta gráður á óstaðfestan hitamæli. Var þó ekki nema um fjórar gráður klukkan um eitt í nótt.
Bestu kveðjur þarna vestur með ósk um gott sumar.
