20.05.2017 - 13:36 | bb.is,Björn Ingi Bjarnason,Vestfirska forlagið
Frétt 20. maí 2016 - Stutt göng efst á Dynjandisheiði til skoðunar
Hugmynd um gömg á Dynjandisheiði.
Í síðustu viku auglýsti Vegagerðin forval vegna Dýrafjarðarganga og áformað að hefja framkvæmdir á næsta ári. Samhliða gerð Dýrafjarðarganga verður farið vegagerð á Dynjandisheiði.
Vegurinn um Dynjandisheiði er 32 kílómetra langur, allur ómalbikaður og liggur hæst í 525 metra hæð. Í frétt Stöðvar 2 er haft eftir Kristjáni Kristjánssyni, forstöðumanns hönnunarsviðs Vegagerðarinnar, að nýr vegur fylgi að mestu sömu veglínu og sá gamli.
Þó er nú til skoðunar að gera stutt jarðgöng efst á heiðinni norður af gatnamótum Bíldudalsvegar, vestan Lónfells. Göngin yrðu 1,3 til 2,3 kílómetrar að lengd og myndu liggja í um fjögurhundruð metra hæð en tækju af snjóþyngsta og erfiðasta kaflann.
Fétt frá 20. maí 2016.
