A A A
  • 1935 - Soffía Einarsdóttir
09.09.2019 - 15:13 |

Framvinda Dýrafjarðarganga

Vegskálinn í Dýrafirði
Vegskálinn í Dýrafirði
« 1 af 6 »

Hér er samantekt af því helsta sem gerðist í vikum 35-36 við vinnu Dýrafjarðarganga.

 

Vinna hélt áfram við lagningu frárennslis- dren- og ídráttarlagna ásamt brunnum í hægri vegöxl á leggnum frá munna ganganna í Dýrafirði og að hábungu og á nú eftir að leggja lagnir á um 1000 m kafla.

 

Sem fyrr var unnið við uppsetningu á einangrunarklæðingu til vatnsvarna í göngunum ásamt því að byrjað var að sprautusteypa yfir klæðingarnar. 

 

Fyrsta steypufæran í yfirbyggingu vegskálans í Arnarfirði var steypt. Þak var einnig steypt í einu tæknirými og gólfplata í öðru. Byrjað var að fylla að vegskálanum í Dýrafirði.

 

Í Dýrafirði var klárað að leggja neðra burðarlag í veginn á rúmlega 1 km löngum kafla og unnið við frágang á fláum. Sem fyrr var efnisvinnsla í fullum gangi í Arnarfirði og er verið að framleiða efni sem fer í veginn í göngunum.

 

Búið er að fjarlægja efni undan brúnni yfir Mjólká og er áin nú farin að renna undir brúna. Unnið var við uppslátt á brúargólfi á brúnni yfir Hófsá.

 

Á meðfylgjandi myndum má sjá vegskálann í Dýrafirði, munnan í Arnarfirði, fleygvinnu við eitt af tæknirýmunum í gögnunum, uppsetningu á bendineti yfir einangrunarklæðingu og brúna yfir Mjólká.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31