A A A
  • 1935 - Soffía Einarsdóttir
27.04.2017 - 19:44 | Hallgrímur Sveinsson,Vestfirska forlagið

Frá Þingeyrarakademíunni:- Koma verður vitinu fyrir hinn mikla foringja!

Allir málsmetandi menn heimsins eru sammála um hina miklu hættu sem stafar af kjarnorkubrölti Norður-Kóreu. Það er ekki á hverjum degi sem húsbóndinn í Hvíta húsinu kallar á alla Öldungadeildina eins og hún leggur sig til fundar þar. Af því tilefni má vel rifja upp að um daginn samþykkti Þingeyrarakademían ályktun um utanríkismál. Í henni var skorað á Dónald forseta að bjóða kallinum honum Kim Jong Un, hinum mikla og dýrlega foringja Norður-Kóreu, til viðræðna í Hvíta húsinu eða öðrum heppilegum stað. Hafa kaffi og með því og jafnvel kalkún í matinn um kvöldið.

   Það mætti vel prófa þetta. Menn verða að tala saman. En ef menn gera ekkert annað en skekja brandana, eins og nú er raunin þarna eystra, er voðinn vís. Sagan er endalaus vitnisburður í þeim efnum. Það er algjör nauðsyn að koma vitinu fyrir hinn mikla anda. En ef það er ekki hægt verður að sýna honum fulla hörku. 

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31