A A A
  • 1935 - Soffía Einarsdóttir
12.08.2015 - 08:03 | Einar K. Guðfinnsson,BIB

Forseti Alþingis og frú fóru fyrir Nes

Einar K. Guðfinnsson og Sigrún Jóhanna Þórisdóttir.
Einar K. Guðfinnsson og Sigrún Jóhanna Þórisdóttir.
« 1 af 5 »

Meðal þeirra fjölmörgu sem ekið hafa í sumar fyrir Sléttanesið eru Einar K. Guðfinnsson, forseti Alþingis og kona hans Sigrún Jóhanna Þórisdóttir.

Einar K. lýsti ferðinni á Facebook-síðu sinni á dögunum:

„Það er alltaf óviðjafnanlegt að aka fyrir Nes, eins og það er kallað í daglegu tali. Fara sem leið liggur úr Dýrafirði, um Keldudal,ættarslóðir Össurar Skarphéðinssonar,  fyrir Sléttanesið, um Svalvoga, Lokinhamradal, Stapadal, Tjaldanes, Álftamýri, Auðkúlu og að Hrafnseyri.

Í gær (4. ágúst 2015) fórum við Sigrún þessa leið í blíðskaparveðri, með vinum okkar, Arnóri Sigurjónssyni, gömlum skólabróður úr MÍ og konu hans Guðrúnu Matthíasdóttir. Á þessari leið er vegurinn um Hrafnholur sem hann Elías heitinn Kjaran ruddi 1973 og því stundum nefndur Kjaransbraut; ótrúlegt afrek. Það kom mér á óvart hversu mörgum bílum við mættum, því þetta er nokkuð torleiði á köflum amk. Orð fá ekki lýst því sem fyrir augu ber, en kannski hægt að lýsa því eitthvað með myndum.“

Einar K. Guðfinnsson

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31