Fólki á Vestfjörðum fjölgar á milli ára, bæði í strjálbýlinu og einnig á ýmsum þéttbýlisstöðum. Mest er fjölgunin í Bolungarvík þar sem íbúum fjölgar um 58, en Ísafjörður kemur þar skammt á eftir með 40 fleiri íbúa 1. desember 2008 en á sama tíma 2007. Þá fjölgar um 13 á Tálknafirði á milli ára. Á fimm þéttbýlisstöðum á Vestfjörðum fækkar íbúum milli ára, um 5 á Patreksfirði, 8 í Krossholti (sem var fyrir fámennasti byggðakjarni á landinu), 12 á Hólmavík, 28 á Flateyri og 33 á Þingeyri.