A A A
  • 1928 - Ağalsteinn Gunnarsson
  • 1966 - Níels Friğrik Harbo
10.04.2015 - 17:22 | Vestfirska forlagiğ

Flokkur framliğinna

Gunnlaugur Sigmundsson.
Gunnlaugur Sigmundsson.

Haustið 1994 hélt Framsóknarflokkurinn á Vestfjörðum prófkjör vegna þingkosninga vorið eftir.

Í prófkjörinu tókust þeir á um fyrsta sætið, Gunnlaugur M. Sigmundsson og Pétur Bjarnason, og hafði Gunnlaugur betur eftir harða baráttu. Gunnlaugur ferðaðist um alla Vestfirði fyrir prófkjörið og kom þá m.a. á Bíldudal, sem álitinn var sterkt vígi Péturs.

Þegar Gunnlaugur er staddur á Bíldudal hringdi til hans kunningi hans Ólafur B. Thors, forstjóri Sjóvá-Al-mennra. Ólafur er afkomandi Péturs Thorsteinssonar, hins þekkta athafnamanns á Bíldudal. Ólafur spurði Gunnlaug hvar hann væri staddur þessa stundina og hvernig gengi í baráttunni. Gunnlaugur sagðist vera á Bíldudal, sem væri talið höfuðvígi Péturs Bjarnasonar, svo hann geti nú varla gert sér stórar væntingar um árangur á þeim stað.

Eitthvað þótti Ólafi Gunnlaugur vera daufur yfir stöðunni, svo hann segir: 
Ætli ég verði ekki að hafa samband við mitt fólk á Bíldudal og biðja það að styðja þig?
Þitt fólk? spurði Gunnlaugur. Er ekki þitt fólk hér á Bíldudal allt í kirkjugarðinum? 
Ólafur svaraði á móti:
Ert þú ekki í framboði fyrir flokk framliðinna?

 

Úr bókinni -Vestfisrkir stjórnmálamenn í blíðu og stríðu- sem Vestfirska forlagið gaf nú út fyrir jólin.

 

Vestfirska forlagið

« Mars »
S M Ş M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31