24.07.2016 - 20:32 | skutull.is,Vestfirska forlagið
Flokksval Samfylkingarinnar í Norðvesturkjördæmi fer fram 8.-10. september 2016
Ólína Kjerúlf Þorvarðardóttir er alþingismaður Samfylkingarinnar í Norðvesturkjördæmi.
Þannig spyr kjörstjórn Samfylkingarinnar í Norðvesturkjördæmi um leið og hún auglýsir eftir framboðum í flokksval Samfylkingarinnar í kjördæminu fyrir komandi Alþingiskosningar í haust.
Flokksval Samfylkingarinnar fer fram dagana 8. - 10. september 2016. Frambjóðendur í flokksvalinu geta þeir verið sem eru félagar í Samfylkingunni og hafa kjörgengi í kjördæminu. Framboðsfrestur er til miðnættis 19. ágúst. Framboðum ásamt meðmælalista skal skila til formanns kjörstjórnar, Geir Guðjónssonar. Nánari upplýsingar í síma 698-1036.
Kjördæmisráð Samfylkingarinnar samþykkti fyrir skömmu fyrirkomulag flokksvalsins. Kosið verður í fjögur efstu sæti listans í lokuðu flokksvali, eftir reglum flokksins. Kosning verði bindandi og jafnræði kynja verði gætt með paralista. Atkvæðagreiðslan fer fram með rafrænni kosningu.
