21.05.2017 - 11:12 | Vestfirska forlagið,Landssamband Fiskeldisstöðva,Einar K. Guðfinnsson,Björn Ingi Bjarnason
Fiskeldið skapar nýja atvinnustarfsemi á Flateyri
F.v.: Bergstein Bjarkason, Sigurður J. Hafberg og Bjarki Birgisson, rekstrarstjóri.
Framkvæmdir til að bæta aðstöðuna
Við hittum rekstrarstjórann Bjarka Birgisson, Sigurð J. Hafberg og Bergstein Bjarkason sem voru önnum kafnir við að taka á móti nótunum úr fiskeldisstöðvunum. Nú standa yfir framkvæmdir í kring um starfsstöðina, verið er að steypa plan og ýmislegt annað er framundan til þess að bæta aðstöðuna og aðlaga hana nýju hlutverki.
Vottun frá Norsk Veritas
Fyrirtækið hefur gert samning við öll fiskeldisfyrirtækin á Vestfjörðum um að annast þvott og viðhald á nótum úr fiskeldiskvíunum. Það hefur fengið vottun frá Norsk Veritas svo tryggt sé að öll vinna sé framkvæmd eftir ströngustu reglum.
Fjölgun starfsfólks með vaxandi fiskeldi
Með vaxandi fiskeldi á Vestfjörðum má búast við að það muni fjölga í starfsliðinu og ánægjulegt til þess að vita að húsnæðið á Flateyri hafi nú fengið nýtt, verðugt og mikilvægt hlutverk sem ein af stoðgreinum atvinnugreinar sem mun láta mjög að sér kveða á Vestfjörðum á komandi árum.
