"Finnarnir" dönsuðu álfadans fyrir forseta Finnlands
Þeir voru alltaf kallaðir "Finnarnir" einu nafni strákarnir frá Ketilseyri sem voru vinnufélagar mínir hjá vegagerðinni á næstliðinni öld. Ég veit ekki hvers vegna nema það hafi verið vegna þess að afi þeira hét Friðfinnur. Hins vegar veit ég af hverju Einar Jónsson var kallaður "Einar álfur" --Það var af því að hann var frá Álfadal á Ingjaldssandi. Ketilseyrar guttarnir og Einar voru frábærir tækjamenn allir saman, jarðýtur, peylóderar, gröfur ,vörubílar og vegheflar léku í höndum þeirra. Svo voru þeir skemmtilegir í ofaná lag, skutu skeytum og svöruðu fyrir sig hiklaust.
Hann Kekkonen Finnlandsforseti var í opinberri heimsókn. Um það leyti varð ég vitni að eftirfarandi samtali í morgunsárið .
Einar spyr: Var ykkur Finnunum ekki boðið í partý með Kekkone um daginn ?
Maggi Ketilseyringur svara : Jú, við mættum allir og dönsuðum álfadans fyrir kallinn.
Menn frussuðu hafragrautnum yfir borðið og hláturinn entist fram eftir degi.
Af Facebook-síðu Emils R. Hjartarsonar.
