Er þetta brúin yfir Kwai fljótið eða hvað?
Að sjálfsögðu ekki. Kunnugir sjá náttúrlega eins og skot að þetta er nýja brúin yfir Kirkjubólsána, milli Kikjubóls og Múla. Myndin var tekin í blíðunni í gær, 13. des. 2015 Eftir er að ganga frá ýmsu í kringum brúna og verður það væntanlega gert endanlega í vor.
Þessi brú er talsvert styttri en Liljubrúin í Mosdal. En þetta eru heilmikil mannvirki miðað við það sem menn eiga að venjast á þessum slóðum. Talnaglöggir menn hafa varpað því fram að kostnaður Vegagerðarinnar við þessi mannvirki sé ekki undir 5o milljónum króna samtals. En það er ekki opinber tala og án ábyrgðar.
Svo viljum við taka fram, eins og lofað var, að felumyndin sem tekin var í myrkrinu um daginn af bílstjóranum, er að sjálfsögðu af heiðursmanninum Valdemar Jónssyni hjá Græði í Varmadal í Önundarfirði.
