01.05.2017 - 12:57 | Vestfirska forlagið,Emil Ragnar Hjartarson,Björn Ingi Bjarnason
Emil Ragnar Hjartarson skrifar: FYRSTI MAÍ
Emil Ragnar Hjartarson. Ljósm.: BIB
Ekkert fékkst nema fyrir harða baráttu og miiklar fórnir vinnandi fólks. Það kostaði langvarandi verkfall að koma á atvinnuleysistryggingum. Ég nefni þetta sem fáein dæmi af fjölmörgum.
Nú er okkur sagt að meira góðæri ríki á Íslandi en nokkru sinn.
Þjóðartekjur hærri en dæmi eru til um,--sameiginlegur sjóður okkar allra, ríkissjóður,öflugur. -Samt líður fjöldi fólks skort, sjúklingar eiga ekki fyrir lyfjum, ungu fólki ókleift að eignast húsnæði, leigumarkaður í krumlum fjárplógsmanna, fólk í sjávarbyggðum ofurselt duttlungum þeirra sem "eiga" sameiginlega auðlind, fiskinn í sjónum,,stjórnvöld níðast á öryrkjum og eldri borgurum, hagtölur mæla aukinn kaupmátt--ég þekki engan sem hefur orðið þess var--fjármunir fluttir í tortolur og engeyjar skattaskjólanna- eitthvað er rotið.
Það er mikil barátta frammundan--barátta um réttláta skiptingu, barátta gegn spillingu, barátta gegn gengdarlausri gróðafíkn sem kemur niður á almenningi. Barátta fyrir heiðarleika og sanngirni yfirleitt.
Gleðilega hátíð fyrsta maí.
