22.03.2017 - 06:53 | Björn Ingi Bjarnason,Hallgrímur Sveinsson,Vestfirska forlagið
Hjónin Bryndís Schram og Jón Baldbin Hannibalsson á góðri stund árið 1990. Ljósm.: Björn Ingi Bjarnason.
Jón Baldvin Hannibalsson hélt alls um 100 fundi vítt og breytt um landið eftir að hann var kjörinn formaður Alþýðuflokksins, til að kynna stefnuskrá sína. Bryndís Schram eiginkona hans var oft með í för.
Daginn fyrir fundinn á Eyrarbakka höfðu nokkrir ungkratar komið í heimsókn til þeirra á Vesturgötuna í Reykjavík og setið þar að þjarki fram undir morgun. Voru þau hjón því lítt sofin er þau héldu austur fyrir fjall. Bryndís gætti þess að setjast aftast í fundarsalnum og steinsofnaði undir orðum Jóns Baldvins. Ekki hafði hún dvalist lengi í draumheimum er hún heyrir það gegnum svefninn að ekki er allt með felldu. Hún opnar því augunog sér að maður hennar stendur sofandi bak við ræðupúltið. En hann þagnaði ekki, þótt hann svæfi, heldur flutti ræðuna yfir fullum sal og enginn virtist verða nokkurs áskynja, segir Bryndís Schram í ævisögu sinni um þetta atvik.Úr bókinnni -Vestfirskir stjórnmálamenn í blíðu og stríðu-Vestfirska forlagið á Þingeyri gefur út.
Vestfirska forlagið 20 ára.
http://vestfirska.is/index.php/is/
