A A A
  • 1935 - Vagna Sólveig Vagnsdóttir
05.10.2015 - 07:48 | Hallgrímur Sveinsson,Vestfirska forlagiđ

Einn góđur úr Árneshreppi á Ströndum - Passar alveg

Kjartan Ólafsson.
Kjartan Ólafsson.

Þegar Kjartan Ólafsson var frambjóðandi og síðar þingmaður Alþýðubandalagsins á Vestfjörðum, hélt hann vel utan um flokksfélaga sína og fylgdist með vexti þeirra og viðgangi.

Ferðalög Alþýðubandalagsins voru rómuð undir leiðsögn Kjartans og tóku fleiri þátt í þeim en flokksmenn einir. Þegar halla tók á níunda áratuginn á síðustu öld, var farið norður í Árneshrepp. Á heimleiðinni var komið við á Klúku í Bjarnarfirði. Þar bjó Pálmi Sigurðsson og þegar rennt var í hlað, mátti sjá barnavagn upp við íbúðarhúsið. Kjartan steig út úr rútunni og gekk rakleiðis að barnavagninum.
Þegar hann hafði litið barnið augum sem í honum var, sagði hann stundarhátt;

   ,,Jú, þetta passar alveg, hann er rauðhærður.”

   Þar með var það ákveðið, að Pálmi ætti barnið, en hann var þá nýlega kominn í sambúð og vel rauðhærður.
  (Finnb. Hermannsson 99 vestf. þjóðs. 4. hefti)  

« September »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30