A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
03.10.2017 - 06:54 | Björn Ingi Bjarnason,Hallgrímur Sveinsson,Vestfirska forlagið

Einn góður úr 100 Vestfirskum gamansögum: - Rennifærið

Björn Finnbogason (1937 - 2012).
Björn Finnbogason (1937 - 2012).

Eitt sinn fyrir áratugum síðan var fjöldi flutningabíla á leið frá Ísafirði og suður. Björn Finnbogason frá Kirkjubæ í Skutilsfirði ók fremsta bílnum. Á leið niður brekkurnar á Hjallahálsinum, sem er á milli Djúpafjarðar og Þorskafjarðar, var vegurinn flugháll og bíllinn hjá Bjössa Finnboga náttúrlega keðjulaus. Þarna hagar svo til, að vegurinn liggur í sneiðingum um hengiflug og margar afar krappar beygjur eru þarna einnig.

Á leiðinni niður misstu hjólbarðarnir gripið og byrjaði bíllinn að renna undan brekkunni. Bjössa, sem er afar laginn bílstjóri, tókst að stýra farartækinu á svigi og bruni niður allar beygjurnar. Rétt þegar hann var hólpinn kallaði einhver í bíl á eftir í talstöðina til hans og spurði um færðina niður brekkurnar.

Það stóð ekki á svari hjá Bjössa Finnboga:

Það er rennifæri hérna niður!

   100 Vestfirskar gamansögur fara í dreifingu hjá forlaginu næstu daga.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31