21.05.2015 - 17:25 | BIB,bb.is
Efnilegt tónlistarfólk á Þingeyri
Tuuli með nemendum sínum í lok tónleika. Ljósm: Sigríður Ragnarsdóttir.
„Þessi fámenni en frábæri hópur fluttu þarna rúmlega klukkustundarlanga dagskrá og stóðu sig öll framúrskarandi vel,“ segir Sigríður Ragnarsdóttir, skólastjóri Tónlistarskóla Ísafjarðar.
Dagskráin var afar fjölbreytt, lög frá ýmsum tímum og löndum, leikið var á blokkflautu, gítar og píanó, en líka sungu margir nemendanna. Í lokin lék svo hljómsveit nemenda.
Það er tónlistarkennarinn Tuuli Rähni, sem útsetti og æfði öll lögin, auk þess sem hún skipulagði og undirbjó tónleikana.
