Forsíða
Hafa samband
English
A A A
  • 1950 - Árni Ásbjörn Jónsson
  • 1962 - Siggeir Stefánsson
10.03.2015 - 07:00 | bb.is

Efast um framtíð fiskvinnslu á Þingeyri

Gunnhildur Björk Elíasdóttir.
Gunnhildur Björk Elíasdóttir.
« 1 af 2 »
Gunnhildur Björk Elíasdóttir, stjórnarmaður í Verkalýðsfélagi Vestfirðinga og bæjarfulltrúi Í-listans í Ísafjarðarbæ, efast um framtíð fiskvinnslu á Þingeyri þegar hún er ekki í höndum heimamanna. Stjórn Byggðastofnunar hefur samþykkt að ganga til samninga við fyrirtækið Íslenskt sjávarfang ehf. í Kópavogi um nýtingu á aflaheimildum Byggðastofnunar á Þingeyri. „Auðvitað er maður feginn því að það er kannski að sjá fyrir endann á þessari óvissu í bili. Ég hef svo sem ákveðnar efasemdir um framtíðina í þessum málum þegar það er fyrirtæki sem hefur heimilisfestu annars staðar. Og mér finnst voðalega erfitt að hugsa til þess að kannski endurtaki bara sömu hlutirnir sig á einhverra ára fresti,“ sagði Gunnhildur í samtali við fréttastofu RÚV. 

Vísir hf hættir fiskvinnslu á Þingeyri í þessum mánuði og framkvæmdastjóri Íslensks sjávarfangs segir stefnt sé að því að kaupa eignir Vísis á staðnum og hefja þar vinnslu á fiski. Haft er eftir Gunnhildi að þrjár til fjórar fjölskyldur hafi ákveðið að flytja með Vísi til Grindavíkur. „Mismunandi stórar fjölskyldur, en allt í allt held ég að þetta séu 12-15 manns, börn og fullorðnir. Og þetta er einmitt akkúrat fólkið sem við þurfum á að halda til að byggðin okkar vaxi og dafni.“
Til baka
« Desember »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Eldri spurningar & svör