Það verður líf og fjör á Víkingasvæðinu næsta sumar. Mynd: JÓH

Ferðaþjónustufyrirtækið EagleFjord hyggst flytja starfsemi sína frá Bíldudal til Þingeyrar fyrir næstkomandi sumar, þar sem ætlunin er að byggja upp frekari ferðaþjónustu í Dýrafirðinum. Til stendur að nýta Víkingasvæðið og hafa starfsemi þar alla daga yfir sumarið frá morgni til kvölds. Þema dagskrárinnar á Víkingasvæðinu verður í anda Gísla sögu Súrssonar en ýmis þjónusta verður einnig í boði. Má þar nefna minjagripasölu, leiksýningar, leiðsögn á söguslóðir, víkingaskóla og veitingar, svo fátt eitt sé nefnt. Þá er ætlunin að sigla á víkingaskipinu Vésteini alla daga og renna fyrir fisk. Ferðaþjónustan Eaglefjord hefur verið starfrækt á Bíldudal frá árinu 2007 þar sem boðið hefur verið upp á sambærilega þjónustu og ætlunin er að veita á Þingeyri.