A A A
08.03.2012 - 09:46 | bb.is

Dýrfiskur hleypir fjöri í Flateyri

Eyrin á Flateyri. Ljósm: © Mats./bb.is
Eyrin á Flateyri. Ljósm: © Mats./bb.is
Dýrfiskur ehf., er að tífalda eldi regnbogasilungs í Dýrafirði, sem kallar á fleiri störf á Vestfjörðum, mest við fiskvinnslu á Flateyri. Í frétt Stöðvar 2 í gær var sýnt frá vinnslu regnbogasilungs á vegum nýs félags, Arctic Odda, sem jafnframt hefur keypt fiskeldisstöðina Dýrfisk á Þingeyri. Í fréttinni sagði Eiríkur Finnur Greipsson, fjármálastjóri Arctic Odda, að verið sé að byggja upp fiskeldið úr 200 tonna slátrun upp í 2000 tonna slátrun á næstu tveimur árum. „Þannig að ég held að megi segja það að hér sé hafin góð og hægfara uppbygging, vonandi mjög traust."

Dýrfiskur er með eldiskvíar á Dýrafirði og seiðaeldi á Tálknafirði og hefur félagið nú einnig sótt um að leyfi til að ala regnbogasilung í Önundarfirði og í Ísafjarðardjúpi. Systurfélag Dýrfisks er jafnframt að hasla sér völl í hefðbundnum fiskveiðum og gerir út einn bát og annar er á leiðinni. Starfsmenn fyrirtækjanna nú orðnir yfir 30 og boðar Eiríkur Finnur að þeim muni fjölga ört á næstu mánuðum.

 

„Það er til marks um breytta tíma að hér er það eldisfiskur sem treystir fiskvinnsluna og því freistandi að spyrja hvort fiskeldið muni reisa við byggð á Vestfjörðum. Eiríkur Finnur telur erfitt að spá um framtíðina en segir þó að eigendur Arctic Odda og Dýrfisks hafi mikla trú á því að góð framtíð sé í eldi á þessu svæði," segir á visir.is þar sem sjá má fréttina í heild.

« Október »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31