16.04.2015 - 09:20 | Björn Ingi Bjarnason
Dýrfirðingur skoðaði Hjallastefnuna á Eyrarbakka
Guðmundur Magnús Kristjánsson.
Eitt það vinsælasta sem menn skoða og mynda er Hjallastefnan við Félagsheimilið Stað á Eyrarbakka.
Þar er verið að verka og þurrka þorsk eftir aldagamalli verkunarhefð og víst má segja nú „ lífið er siginn fiskur.“
Meðal gesta í gærmorgun, miðvikudaginn 15. apríl 2015, var full rúta af stærstu gerð frá -Allrahanda –Gray Line- og fóru allir ferðamennirnir upp á útsýnispallinn á sjóvarnagarðinum við Stað.
Allir skoðuðu -signa fiskinn- og margir létu mynda sig við fiskinn eins og menn gera við önnur náttúrudjásn svo sem Gullfoss og Geysi.
Fararstjóri var Skúli Möller og bílstjóri var Guðmundur Magnús Kristjánsson frá Þingeyri þar sem hann var skipstjóri til margra ára. Hann dásamaði Hjallasefnuna á Eyrarbakka enda er siginn fiskur í miklu uppáhaldi margra Vestfirðinga svo sem Dýrfirðinga, Önfirðinga og Súgfirðinga.
