Vel flestir sem vettlingi geta valdið í Dýrafirði og áttu heimangengt, voru mættir þegar kveikt var á friðarkertum síðustu mínúturnar sem Landsbankinn hafði opið á Þingeyri, eftir því sem tilkynnt hefur verið.

Jónína Símonardóttir flutti ávarp.

Táknræn mynd um aðgerðir Landsbankans.

Við mótmælum öll stóð þar á blaði.

« 1 af 4 »

Sú andsamfélagslega aðgerð Banka allra landsmanna að loka útibúi bankans á Þingeyri hefur vakið hörð viðbrögð í Dýrafirði.

Í dag komu flestir sem vettlingi geta valdið og áttu heimangegnt í firðinum saman við Landsbankann á Þingeyri. Var þar höfð stutt sameiginleg stund  síðustu mínútur Landsbankans á staðnum. Kveikt var á kertum. Jónína Símonardóttir kennari hélt stutta tölu og sagði meðal annars að nú væru Dýrfirðingar sorrý, sárir og svekktir. Einn fundarmanna sagði að þetta væri punkturinn yfir i-ið. Tveggja mínútna þögn var svo í lokin.

   Mikill þungi er í fólki vegna þessarar aðgerðar Landsbankans. Hingað og ekki lengra segja viðskipamenn og eigendur Landsbankans í Dýrafirði. Nánar verður fjallað um þetta mál síðar hér á Þingeyrarvefnum.

H. S. tók meðf. ljósmyndir á samkomunni.