A A A
  • 1935 - Soffía Einarsdóttir
14.05.2016 - 06:25 | Vestfirska forlagið,bb.is

Dýrafjarðargöng í forval – gjörbylta búsetuskilyrðum

Gangnamunni að vestanverðu verður í botni Borgarfjarðar.
Gangnamunni að vestanverðu verður í botni Borgarfjarðar.
Vegagerðin hefur auglýst forval vegna gerðar Dýrafjarðarganga og er umsóknarfrestur til 28. júní. Nýkjörinn stjórnarformaður Fjórðungssambands Vestfirðinga segir þetta stóran áfanga. „Dýrafjarðargöng og þær vegaframkvæmdir sem þurfa vinnast samhliða og í kjölfarið, eiga eftir að stórbæta vegasamgöngur á Vestfjörðum, með tilliti til þjónustu og atvinnuuppbyggingar,“ segir Pétur G. Markan, stjórnarformaður Fjórðungssambandsins. 

Um er að ræða 8,0 m breið, 5,3 km löng jarðgöng, styrkingu ganga, lagnir og vegyfirborð, raf- og stjórnbúnað þeirra, um 300 m langa steinsteypta vegskála og um 9,0 km langa vegi utan ganga. Í göngin skal leggja háspennulagnir 33 KV og 66 KV fyrir Orkubú Vetfjarða og Landsnet. 

Pétur segir að uppbygging vegasamgangna á milli suður og norður svæðis Vestfjarða eigi eftir gjörbylta búsetuskilyrðum á Vestfjörðum sem og þeim aðstæðum sem atvinnugreinar eins og ferðaþjónusta og fiskeldi búa við. 

„Nú er bara að halda á og auka þrýsting á næstu göng sem eru samkvæmt samgönguáætlun Fjórðungssambandsins, göng á milli Álftafjarðar og Skutulsfjarðar, en þar er um að ræða eitt mesta öryggismál landsins“ segir Pétur. 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31