Þessar byggingar og sementsturnar fimm hafa risið á örskömmum tíma. Það eru líka vanir menn sem að verkum standa. Göngin verða í landi Rauðsstaða, sem eru í eigu Orkubús Vestfjarða. Ljósm.: H.S.

Myndin sýnir glögglega hvar gangnamunnur Dýrafjarðarganga verður. Nú þegar er búið að framkvæma mikla jarðvegsvinnu og fyrsta sprenging skammt undan. Ljósm.: H.S.

Búið er að reisa starfsmannabúðir miklar á planinu utan við stöðvarhús Mjólkárvirkjunar, handan árinnar. Ljósm.: H.S.

« 1 af 3 »

Til skamms tíma voru ýmsir farnir að verða vantrúaðir á að Dýrafjarðargöng yrðu nokkurn tíma boruð.

En eins og allir vita er nú undirbúningur að verkinu hafinn og þarf ekki vitnanna við. Allt er komið í „full sving“ hjá verktökunum Suðurverki og Metrostav A. S.

Við vorum á vettvangi í dag og tókum meðf. myndir. Þær segja sína sögu. Sannleikurinn er sá, að það er með ólíkindum hvað komið er af tækjum og tólum og alls konar húsum og búnaði á svæðið. Farartæki af öllum gerðum og stærðum, vinnuvélar og húsakostur og allt. Ekki er nema von að hreppsnefnd Auðkúluhrepps sé farin að hugsa sér til hreyfings.

Nánar um það síðar.

Ljósmyndirnar tók Hallgrímur Sveinsson.