Forsíða
Hafa samband
English
A A A
  • 1950 - Margrét Guðjónsdóttir
  • 1955 - Angantýr Valur Jónasson
25.01.2015 - 21:37 | bb.is,BIB

Byggðakvótinn laus til umsóknar

Þingeyri við Dýrafjörð.
Þingeyri við Dýrafjörð.
Fiskistofa hefur auglýst eftir umsóknum um byggðakvóta til fiskiskipa fyrir eftirtalin byggðarlög í Ísafjarðarbæ: Þingeyri, Flateyri, Suðureyri og Hnífsdal. Umsóknum skal skilað til Fiskistofu á eyðublaði sem er að finna á heimasíðu stofnunarinnar. Umsóknum þarf að fylgja samningur við vinnslu á eyðublaði sem þar er einnig að finna. Umsóknin telst ekki gild nema samningur um vinnslu fylgi. Bæjarstjórn Ísafjarðarbæjar hefur samþykkt að breyta reglum um byggðakvóta og gera útgerðum kleift að landa afla til vinnslu hvar sem er í sveitarfélaginu og binda hann ekki lengur því byggðarlagi sem kvótanum er úthlutað til. 

Þetta er gert til að kom til móts við útgerðir á Flateyri og á Þingeyri, engin fiskvinnsla er á Flateyri og í lok mars lokar Vísir hf. á Þingeyri, eina fiskvinnslan í þorpinu. Umsóknarfrestur er til 9. febrúar. 

Þessi byggðakvóti er ekki sama eðlis og svokallaður sértækur byggðakvóti sem hefur nokkuð verið í fréttum upp á síðkasti vegna stöðu aflaheimilda á Þingeyri og á Flateyri. Byggðastofnun er með þær aflaheimildir á sinni hendi og sér um að semja við samstarfsaðila um nýtingu þeirra. Stofnunin er með til afgreiðslu umsóknir um aflaheimildir Byggðastofnunar bæði á Þingeyri og á Flateyri. 

Þrjár umsóknir bárust um 300 þorskígildistonna kvóta á Flateyri og tvær umsóknir bárust um 400 þorskígildistonna kvóta á Þingeyri. 
Til baka
« Apríl »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Eldri spurningar & svör