Í Ísafjarðarbæ eru skráðar 22 friðlýstar fornminjar samkvæmt friðlýsingaskrá. Að því er fram kemur í drögum að greinargerð með aðalskipulagi Ísafjarðarbæjar fyrir árin 2008-2020 voru 165 bæir á skipulagssvæðinu á 19. öld. Sé reiknað með 20 minjastöðum á jörð að meðaltali, má búast við að í Ísafjarðarbæ séu samtals um 3300 minjastaðir. Búið er að skrá 278 minjastaði, eða eingöngu 12% af öllum minjastöðum í sveitarfélaginu.

Minjar sem eru eldri en 100 ára eru að jafnaði taldar til fornleifa og eru friðaðar samkvæmt þjóðminjalögum. Sumar fornleifar eru jafnframt friðlýstar sérstaklega, einnig er hægt að friðlýsa yngri minjar skv. 9. grein þjóðminjalaga 107/2001. Rétt er að hafa í huga að margar minjar nálgast 100 ára aldur og því mun fornleifum fjölga hratt á næstu árum miðað við núgildandi lög. Í 11. grein Þjóðminjalaga segir að skylt sé að fornleifaskráning fari fram á skipulagsskyldum svæðum áður en gengið er frá skipulagi eða endurskoðun þess.

 

Lista yfir skráða minjastaði er að finna í greinargerð aðalskipulagsins á vef Ísafjarðarbæjar.

http://isafjordur.is/upload/files/umhvsvid/adalskipulag/a4-greinargerd-15des08.pdf